हाम्रो नेपाली पार्टीले बागमती प्रदेशका मुख्यमन्त्री शालिकराम जम्कट्टेललाई दिएको समर्थन फिर्ता लिएको छ। बागमती प्रदेशमा सो पार्टीको दुई सिट छ ।
सो पार्टीले पत्रमार्फत सरकारलाई दिएको समर्थन फिर्ता लिएको जानकारी दिएको हो । समर्थन फिर्ता लिएको जानकारी बागमती प्रदेश प्रमुखको कार्यालय, हेटौँडा, मुख्यमन्त्री तथा मन्त्रिपरिषद्को कार्यालय हेटौँडा र बागमती प्रदेश सभा सचिवालय हेटौँडालाई गराइएको छ ।
यसअघि तत्कालीन सत्तासाझेदार दल कांग्रेसले सरकारलाई दिएको समर्थन फिर्ता लिएर सरकारबाट बाहिरिएको थियो ।
हाम्रो नेपाली पार्टीले पनि समर्थन फिर्ता लिएपछि मुख्यमन्त्री जम्कट्टेल नेतृत्वको सरकार अल्पमतमा परेको छ।
हाम्रो नेपाली पार्टीले बागमती प्रदेश सरकारको नेतृत्व आफूहरूले पाउनुपर्ने दाबी गरेको छ । मुख्यमन्त्री नपाए प्रतिपक्षमा बस्ने सो पार्टीको अडान छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
